ബെംഗളൂരു: നഗരത്തിലെ റോഡുകളിലൂടെ ഡബിൾ ഡെക്കർ ബസുകൾ മടങ്ങിയെത്താൻ പോകുന്നു. വർഷങ്ങൾക്കുമുമ്പ് ഡബിൾ ഡെക്കർ ബസുകളിൽ കുതിച്ചുകയറാൻ ഇഷ്ടപ്പെട്ട തലമുറയ്ക്കും, ഡബിൾ ഡെക്കർ ബസുകൾ നഷ്‌ടപ്പെടുത്തിയ തലമുറയ്ക്കും സന്തോഷിക്കാൻ വഴി ഒരുങ്ങുകയാണ്.
1970-80 കളിൽ നഗരത്തിന്റെ പല ഭാഗങ്ങളിലും 1997-ഓടെ ഘട്ടംഘട്ടമായി നിർത്തലാക്കുന്നതുവരെ ഡബിൾ ഡക്കർ ബസുകൾ ഒരു സാധാരണ കാഴ്ചയായിരുന്നു. താമസിയാതെ, ഡബിൾ ഡക്കർ ബസുകൾ ഒരു പുതിയ ഇലക്ട്രിക് അവതാരത്തിൽ തിരിച്ചുവരാൻ പോകുന്നു എന്നാണ് റിപ്പോർട്ടുകൾ.
മുംബൈയിലെ ബെസ്ററ് സർവീസിന് ശേഷം, ബെംഗളൂരു മെട്രോപൊളിറ്റൻ ട്രാൻസ്‌പോർട്ട് കോർപ്പറേഷൻ (ബിഎംടിസി) 10 ഡബിൾ ഡെക്കർ എസി ഇ-ബസുകൾ ഉൾപ്പെടുത്താൻ പദ്ധതിയിടുന്നുണ്ട്. ഇതിനായി അഞ്ച് ഇ-ഡബിൾ ഡക്കർ ബസുകൾക്കായി 10 കോടി രൂപ അനുവദിച്ചു. നാഷണൽ ക്ലീൻ എയർ പ്രോഗ്രാമിന് (എൻസിഎപി) കീഴിൽ കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രാലയം ബിബിഎംപിക്ക് അനുവദിച്ച 140 കോടിയുടെ ഭാഗമായാണ് പരിസ്ഥിതി സൗഹൃദ ഇലക്ട്രിക് എസി ഡബിൾ ഡെക്കർ ബസുകൾ ആരംഭിക്കുന്നത്.
2021-2022 ലെ വായുവിന്റെ ഗുണനിലവാരം മെച്ചപ്പെടുത്തുന്നതിനായി 15-ാം ധനകാര്യ കമ്മീഷൻ ഗ്രാന്റുകൾക്ക് കീഴിൽ കേന്ദ്രം 140 കോടി രൂപ അനുവദിച്ചതായും ബിബിഎംപി ഉദ്യോഗസ്ഥർ പറഞ്ഞു. ഗതാഗതം, കെഎസ്‌പിസിബി, ട്രാഫിക് പോലീസ് തുടങ്ങിയ വകുപ്പുകളുടെ പ്രവൃത്തികൾ നടപ്പാക്കുന്നതിനാണ് മൈക്രോ ലെവൽ ആക്ഷൻ പ്ലാൻ പ്രകാരം തുക അനുവദിച്ചതെന്ന് ബിബിഎംപി ഉദ്യോഗസ്ഥൻ പറഞ്ഞു.
140 കോടിയിൽ 10 കോടിയും അഞ്ച് ഡബിൾ ഡെക്കർ ഇ-ബസുകൾക്കായി നീക്കിവച്ചിട്ടുണ്ട്. ഇതേതുടർന്ന് അഞ്ച് ഇ-ബസുകൾ വാങ്ങാൻ ആലോചിക്കുന്നതായി ബിഎംടിസി അധികൃതർ അറിയിച്ചു. കൂടാതെ, അത്തരത്തിലുള്ള മറ്റൊരു അഞ്ച് ബസുകൾക്കുള്ള ഫണ്ട് ആവശ്യപ്പെട്ട് അവർ ഡയറക്ടറേറ്റ് ഓഫ് അർബൻ ലാൻഡ് ട്രാൻസ്‌പോർട്ട് (DULT) യുമായി ചർച്ച നടത്തിവരികയാണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
